ӨНӨӨДӨР: Төр-хувийн хэвшлийн түншлэлийн тухай хуулийн төслийн талаар хэлэлцэнэ

Өнөөдөр болох зарим үйл явдлын талаар мэдээллийг хүргэж байна. (2022.10.31)

08:30 цагт МОНЦАМЭ агентлагийн байранд тус агентлагаас эрхлэн гаргадаг үндэсний монгол бичгийн “Хүмүүн бичиг” сонины 30, “Монголын сайхан бичигтэн” улсын уралдааны 25 жилийн ой үйл ажиллагаа болно.

11:00 цагт Спортын төв ордны 3 давхарын 303 тоот өрөөнд Герман улсад болсон спорт бүжгийн ДАШТ-ээс мөнгөн медаль хүртсэн Монгол Улсын “Moon Dance” хамтлагийн баг тамирчдыг хүлээн авч уулзаж, батламж гардуулах ёслол болно

11:30 цагт Төрийн ордонд УИХ-ын байнгын болон дэд, түр хороод хуралдана. 

15:00 цагт МҮХАҮТ-д Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуулийн өөрчлөлт болон Төр-хувийн хэвшлийн түншлэлийн тухай хуулийн төслийн талаар нээлттэй хэлэлцүүлэг болно.