Налайх дүүрэгт барилгын материалын үйлдвэрлэл, худалдааны цогцолбор байгуулагдахаар боллоо

Улаанбаатар хотыг дахин төлөвлөх ажлын хүрээнд Налайх дүүрэгт барилгын материалын үйлдвэрлэл, худалдааны төв байгуулах тухай шийдвэр гарсан. Энэ ажлыг хэрэгжүүлэхээр Барилга, хот байгуулалтын дэд сайд Г.Байгалмаа, Нийслэлийн Засаг даргын орлогч Т.Бат-Эрдэнэ болон албаны бусад хүмүүсийн хамт Налайх дүүрэгт ажиллалаа. Энэ үеэр уг цогцолборт шаардагдах дэд бүтэц, газрын асуудлыг газар дээр нь судалсаны үндсэн дээр дүүргийн уридлагуудын санал болгосон “Бүс нуур” орчмын 200 гаруй га газарт байгуулахаар болж ТЭЗҮ-г боловсруулахаар боллоо. Өнөөдрийн байдлаар Барилга, хот байгуулалтын яаманд барилгын материалын 15 үйлдвэрийг Налайхад байгуулагдах энэ цогцолборт барих саналаа ирүүлсэн байгаа гэнэ.
Мөн энэ үеэр Налгар түшиг ХХК-ийн Налайх цементний үйлдвэр, Шинэ ёндоо ХХК-ийн хуванцар хоолойн үйлдвэрийн үйл ажиллагаатай танилцлаа.