Хийлч Дээгий “Х-Түц”-ийн тоглолтыг үзээд уйлжээ

Төдийлөн үнэлэгдэж чаддаггүй байсан хийл хөгжмийн тоглолтыг өвөрмөц байдлаар хийж, клипэн дээрээ нүцгэлэн, үсээ хусуулж явсан зоримог бүсгүй бол хийлч Ч.Дэлгэрцэцэг. Алс холын Америкт сурч боловсорсон тэрбээр ахимаг насны гадаад эртэй ханилсан ч төд удалгүй бяцхан хүүгээ аваад салсан түүхтэй. Гэсэн ч угийн дайчин зантай хийлч бүсгүй хоёр дахь амьдралаа зохион, мөн л гадаад эртэй ханилсан бөгөөд уран бүтээлийн эрч хүчээ алдаагүй гэдгийг ээлжит тоглолтоороо харуулж чадсан нэгэн.

Сүүлийн үед уран бүтээлийнхээ ажлаас хэсэг холдон амарч буй Ч.Дэлгэрцэцэг “Х-Түц” продакшны “Сэрүүн хасын нууц” жүжгийг гэр бүлийнхэнтэйгээ хамт үзжээ. Тайванийн нэрт зохиолчийн бүтээлээс сэдэвлэсэн эмгэнэлт жүжиг хийлч бүсгүйг уйлуулсан бөгөөд тэрбээр “Ухаарал хайрласан энэ жүжгийг үзээд хайртай хүмүүстэйгээ байх нь хамгийн дээд жаргал гэдгийг мэдэрлээ. Ээж аав, үр хүүхэд, хань ижилтэйгээ энэ жүжгийг үзэхийг бүх найзууддаа уриалж байна. Нэгэн үдшийг зүгээр л өөртөө зориулаад үзээрэй” хэмээн сурталчилжээ.

С.Цахиур