Морьтой цагдаа нар эргүүлд гарлаа

Ардчилсан орнуудын хамтын нийгэмлэгийн сайд нарын VII бага хуралд оролцох зочид төлөөлөгчид манай улсад айлчилж байна. Энэ сарын 26-29-нд үргэлжлэх бага хурлын арга хэмжээтэй холбогдуулан хотын аюулгүй байдлыг хангахаар цагдаагийн байгууллагынхан өндөржүүлсэн бэлэн байдалд ажиллаж байгаа юм. Энэ хүрээнд нийслэлийн төвийн гудамж, талбайгаар морьтой цагдаа нар эргүүлд гарч, нийгмийн хэв журмыг сахин хамгаалж байна.