Бейонси “Vogue”-ын шинэ дугаарыг чимнэ

Хөгжмийн ертөнцийн хамгийн чадалтай хоолойтой, дур булаам бүсгүй Бейонси Энэтхэг дахь “Vogue” сэтгүүлийн энэ сарын дугаарыг чимэхээр болжээ. Дэлхийн шилдэг брэндүүдийн нүүрийг чимж байсан бүсгүй энэ удаа “Vogue”-тай хамтран ажиллаж байгаа нь анхны тохиолдол биш юм. Учир нь тэрээр өнгөрөгч гуравдугаар сард мөн Америкийн “Vogue”-ийн нүүр царай болон Британийн тус сэтгүүлтэй ч хамтран ажиллаж байжээ. Харин уран бүтээлийн хувьд алдарт поп од өнгөрөгч сарын 15-нд эхэлсэн “The Mrs. Carter” аялан тоглолтоо Европоор үргэлжлүүлж байгаа. Түүний аялан тоглолт ирэх есдүгээр сарын 13-нд Бразилын Рио хотод тоглосоноор өндөрлөх юм байна.