Хар тамхи оруулахыг завджээ

Улаанбаатар хотын Гаалийн улсын байцаагчид 66 грамм "Гашиш" хэмээх мансууруулах төрлийн бодисыг илрүүлсэн байна.  Тодруулбал, Хонконгоос манай улсын иргэн Б-гийн оруулж ирсэн автомашин, түүний сэлбэгийг нарийвчлан шалгаснаар уг хэргийг илрүүлжээ. Улмаар тухайн бодисоос дээж авч ГЕГ-ын төв лабораторид шинжилгээнд явуулж, хариу нь өнгөрсөн сарын 30-нд гарсан аж.

Дүгнэлтээр "Гашиш" гэдэг хар тамхины төрлийн бодис болохыг баталсан бөгөөд уг хэргийг УМБГ-ын Зохион байгуулалттай гэмт хэрэг мөрдөх хэлтэст шалгаж байна.