Дуучин Б.Болд, Э.Чулуунчимэг нар охиндоо Аялгуу хэмээх нэр өгчээ

Нийтийн дууны ертөнцөөс төрсөн ээлжит хос болох залуу дуучин Б.Болд, Э.Чулуунчимэг нар хэдхэн сарын өмнө анхны үрийнхээ зулайг үнэрлэсэн билээ. Гавьяат жүжигчин С.Жавхлан, Т.Баясгалан нарын дуугаар олонд танигдсан дуучин хос маань бяцхан охиндоо Аялгуу хэмээх содон нэр өгчээ. Мэдээж хэрэг, дуу хуураар хөглөгдсөн аялгуулаг ертөнцөд учирсан болохоор хайр сэтгэл, хамтын амьдралынх нь билэг тэмдэг болсон хөөрхөн охиноо ийн нэрлэсэн байж ч болох юм.

Юутай ч, дуучин хос охиныхоо хамт зургаа авахуулан урлагийн ертөнц дэх найз нөхөддөө сонирхуулж яваа юм байна. Ихэвчлэн хайрын дуугаар занималдаж явсан дуучин Э.Чулуунчимэг ч ээж болоод ихэд өөрчлөгдөж хайр энэрэл, эхийн сэдэвтэй дуу дуулахаар шийдсэн гэнэ. Мөн дуучин нөхөртэйгээ хамт дуулсан хоёр ч дуугаа дүрсжүүлэн олны хүртээл болгоод амжжээ.

С.Цахиур