“Дижитал” хамтлагийнхан Монголжингоо бүсгүйчүүдийн эрэлд

Хамтлагийнхаа уран бүтээлийг сэргээж, дорвитойхон шиг зүтгэж яваа тус хамтлагийнхан ээлжит дуугаа гаргажээ. “Монголжингоо” хэмээн шинэ дуундаа клип хийлгэхээр болсон ч элдэв загварын хувцсаар гангарч, будаг шунх нялаагүй “ориг” төрхтэй охид ер олдохгүй байгаа юм гэх. Уг нь манайд кино, клипэнд тоглож “Од” болохыг хүссэн охид бүсгүйчүүд зөндөө л байдаг даа. Ялангуяа загвар өмсөгч, миссүүд ийм саналыг дуртайяа хүлээж авна.

Харин авьяаслаг залууст элдэв реклам сурталчилгаанд тоглож, эрээ цээргүй нүцгэлсэн олны танил хүүхнүүд тийм ч сонин биш санагдсан бололтой. Даруухан, басхүү нууцлаг нэгэн бүсгүйн эрэлд мордсон “Дижитал”-чууд жинхэнэ Монголжингоогоо олж чадах юм болов уу даа.

С.Цахиур