Заазуурдуулсан хүүг Фэйсбүүкчид баярлууллаа

Эцэгтээ заазуурдуулж хүнд гэмтсэн таван настай хүүгийн биеийн байдал харьцангүй дээрдсэн талаар сайхан мэдээ байна. Өнөөдөр фэйсбүүк, твиттерчдийн төлөөлөл болон "Халуун сэтгэл" клубын хамт олон хүүг эргэж гэрт нь очсон бөгөөд сайхан сэтгэлт нийгмийн идэвхи зүтгэлтэй эдгээр хүмүүс хүүд гарын бэлэг, ойр зуурын хэрэглээний зүйл, хувцас, хандиваар цуглуулсан мөнгийг гардуулан өгчээ. Хүү одоо гэрээр эмчлүүлж байгаа бөгөөд биеийн байдал нь харьцангуй сайжирч байгаа юм байна.