П.Адарсүрэн өөрийнхөө нэрэмжит дууны уралдаанд тусгай байр эзэлж байжээ

Ардын дууны П.Адарсүрэн хэмээх 1980-аад онд тухайн үеийн залуусыг байлдан дагуулж байсан авьяаслаг дуучин байлаа. Одоог хүртэл зохиолын дуучид дотроос түүнийг гүйцэх хүн гарч ирээгүй гэлцдэг. “Сэвтээ нь үгүй сэтгэл” дуугаараа анх олны талархал хүлээж байсан дуучин маань тухайн үедээ охид бүсгүйчүүдийг дурлуулж явсан адтай залуу байж. Хүмүүс дуучныг найр наадам, элдэв арга хэмжээнд урьж залж гүйсээр байгаад архичин болгосон гэх нь бий.

Ямар сайндаа л, Баянхонгор аймгийн барааны зах дээр нөхөдтэйгээ нийлэн архины мөнгө олохын тулд дуулж явсан гэх яриа байхав. Дараа нь өөрийнхөө төрсөн нутаг болох Дундговь аймагтаа очсон аж. Тэгээд өөрийнх нь нэрэмжит “Тэмээн сүргийн говь”  дууны уралдаанд оролцож, архины мөнгө олох санаатай өөр нэрээр бүртгүүлсэн гэнэ. Гэтэл мань эр уг уралдааны тусгай байрт орсон бөгөөд сахал үсэндээ баригдаж, царай алдсан түүнийг тухайн үед хэн ч таниагүй юм гэдэг.

С.Цахиур