Тамхины ишнээс болж ”Орчлон” хороолол шатжээ

Өнгөрсөн сарын 29-нд Сонгинохайрхан дүүргийн нутаг дэвсгэрт байрлах “Орчлон” хорооллын орон сууцанд гал гарч, 20 айлд их хэмжээний хохирол учирсан билээ.Одоогоор хэрэг мөрдөн байцаалтын шатандаа явж байгаа бөгөөд шинжээчдийн дүгнэж буйгаар дөрвөн давхрын айлын тагтан дээр хураалгаатай байсан бараа руу тамхины галтай иш хаяснаас гал гарсан байж болзошгүй хэмээн үзжээ. Орон сууцны барилгын дулаалгын хөөсөнцөр хавтан нь галд тэсвэргүй галыг тэтгэх материалаар хийсэн улмаас гал тархах эхлэл болсон байна. Тиймээс гал дөрвөн давхраас гарсан болохыг ийн тогтоожээ.