С.Эрдэнэбатад 5-7 жилийн ял төлөвлөжээ

Баянзүрх дүүргийн Спорт хорооны даргаар ажиллаж байсан С.Эрдэнэбатыг Чингэлтэй дүүргийн цагдаагийн хэлтэст эрүүгийн хэрэгт татан шалгаж эхэлсэн билээ. Учир нь Учир нь түүнийг найзуудтайгаа паб-т архидан согтуурах үедээ аймгийн заан Н.Болдбаатарын нүдийг халбагдаж сохолсон хэрэгт буруутган шалгаж байгаа юм. Тиймээс С.Эрдэнэбатад Эрүүгийн хуулийн 96 дугаар зүйлийн 96.1 буюу бусдын биед хүнд гэмтэл санаатай учруулах гэсэн зүйл ангиар эрүүгийн хэрэг үүсгэсэн билээ. Эх сурвалжийн мэдээлснээр түүний хэргийг шалгаж дууссан тул яллах дүгнэлт үйлдэж, прокурорын байгууллагад шилжүүлсэн байна. Тиймээс улсын яллагчийн зүгээс түүнд 5-7 жилийн ял төлөвлөжээ. 

С.Эрдэнэбат гэгч нь самбын тамирчин. Монгол Улсын гавьяат дасгалжуулагч, Монгол Улсын начин, Самбо бөхийн Олон улсын хэмжээний мастер нэгэн бөгөөд тус дүүргийн Спортын хорооны даргаар дөрвөн жил ажилласан юм байна. Төрийн дээд одон медаль Алтан гадас одонгоор энгэрээ цоолсон энэ эрхэм Биеийн тамирын болон Боловсролын тэргүүний ажилтан цол тэмдэгтэй, Монгол Улсын шилдэг дасгалжуулагчаар 7 удаа шалгарч байсан аж. Түүнтэй хамтарч ажилаж байсан нэгний өгүүлснээр С.Эрдэнэбат нь залуу үеийг халамжлан хүмүүжүүлэгч, магистр цолтой бөгөөд өдгөө 52 настай аж.