Олны танил хүмүүсийн цуутай хуримын зургууд

Урлаг соёл, спортын алдартнуудын хуримын ёслол олны нүдийг бүлтийлгэж, чихийг дэлдийлгэдэг гэхэд бараг хэтрүүлсэн болохгүй биз. Сүйт бүсгүйн даашинзны загвараас өгсүүлээд хуримын ёслолд ирсэн зочид, гоёл зүүсгэл, төмөр хүлэг, бэлэгний зиндаархал гээд сонин содон зүйл ихтэйг ч хэлэх үү. Багагүй хөрөнгө зарцуулж, хөл хөдөлгөөн болж хийсэн цуутай хуримын зургуудаас та бүхэндээ сонирхуулахаар шийдлээ. Хэдийгээр тухайн цаг үедээ бусдын сонирхлыг татаад өнгөрсөн боловч олны танил хүмүүсийн цуутай хуримын зургуудыг нэг дор үзэх бас л сонин болов уу.

Гуравхан сарын настай хуримын эзэн Т.Номин буюу Мино, өвөрлөгч эртэй ханилсан бүтэлгүй гэрлэлтээ мартахыг хичээдэг дуучин С.Сэрчмаа, зургаан саяын үнэтэй цирконон шигтгээ бүхий даашинзаар гангарсан мисс Д.Уянгалянхуа, дуунаас залхаж кино урлагт урвасан Ч.Цэлмүүн, хоёр дахь амьдралаа мөн л харь эртэй эхлүүлсэн хийлч Ч.Дэлгэрцэцэг, хадмынхаа гэр галын наадам хийх шахсан жүжигчин А.Өнөржаргал буюу Өөскө, уртын дуугаар ханьтайгаа учирсан Д.Үүрийнтуяа, бөөлдөг жүжигчин А.Ганзориг, “банш” Д.Баттөмөр, хил дамнасан хөлгүй найрын ноёнтон буюу их аварга Д.Дагвадорж, сэтгүүлч бүсгүйтэй ханилсан “Нисванис”-ын Л.Энх-Амгалан, баян айлын хүргэн болсон дуучин Б.Хонгор, хайр дурлал нь одоо ч халуунаараа байгаа гэгддэг Ардын жүжигчин А.Долгор нарын хуримын зургуудыг энд багтаалаа.  

С.Цахиур