Татвараа төлөөгүй жолооч нарыг хөдөлгөөнд оролцуулахгүй болохыг анхааруулав

Авто тээвэр, өөрөө явагч хэрэгслийн албан татвар, агаарын бохирдлын төлбөрийг хураах ажлыг өнгөрөгч гуравдугаар сарын 1-нээс хэрэгжүүлж эхлээд буй юм. Уг ажил энэ сарын 31-нийг дуустал хэрэгжих бөгөөд энэ хугацаанд “Авто тээврийн хэрэгслийн албан татвар” -аа төлөөгүй жолооч нарыг зургадугаар сарын нэгнээс эхлэн замын хөдөлгөөнд оролцуулахгүй байх үүргийг НЗДТГ-аас ЗЦГ-ын алба хаагчдад үүрэг болголоо. Уг захирамжийн дагуу зургадугаар сарын 10-24-нд Нийслэлийн замын цагдаагийн газар, Нийслэлийн татварын газар хамтран хяналтын үзлэг шалгалт хийх юм байна.

Иймд “Авто тээврийн хэрэгслийн албан татвар” төлөөгүй жолооч нарыг татвараа хурдан төлөхийг анхаарууллаа.