“Миний дэлгүүр”-ээс дахин зөрчил илэрчээ

"Миний дэлгүүр”-ийн Зайсан дахь сүлжээ дэлгүүрийг хаахаар болжээ. ШӨХТГ-аас өнгөрсөн долоо хоногт тус дэлгүүрт шалгалт хийж, ноцтой зөрчлүүдийг илрүүлсэн байна. Тодруулбал, тэд улсын комиссын зөвшөөрөлгүй барилгад үйлчилгээ явуулж байжээ. Зайсан орчмын иргэдийн хүнсний хэрэгцээг хангадаг “Миний дэлгүүр”- ийн уг салбарын барилга баригдаад багагүй хугацаа өнгөрсөн.

Түүнчлэн барааны хаяг, шошго, хадгалалтьн горим алдагдсан байжээ. Зоорийн давхартаа хадгалж байсан хугацаа нь дууссан бараа, бүтээгдэхүүн нь бүртгэлээсээ зөрж  байсныг албаныхан хэллээ. Муудсан жимс зарж байснаас эхлээд л “Миний дэлгүүр”-ийн олон зөрчил олны өмнө ил гарсаар байгаад иргэд гомдолтой байна.