МИАТ-ын зарим нислэг түр саатлаа

Цаг агаарын таагүй байдлаас шалтгаалан агаарын зарим нислэгүүд түр саатаад байна. Салхины хурд бага зэрэг хэлбэлзэж байгаа тул хувиарт нислэгүүдэд зарим өөрчлөлт орж буй гэнэ.

Тодруулбал, МИАТ-ийн Улаанбаатар-Бээжингийн чиглэлийн 06.20 –ийн нислэг, Улаанбаатар-Токиогийн 08:05-ийн нислэг, Улаанбаатар-Сөүлийн 08:45-ийн нислэг тус тус саатсан байна. Эдгээр нислэгийг дарааллаар нь 12:00 цаг, 15:30 цаг, 12:10 цагт нисэх боломжтой хэмээн тооцоолсон байна.

Мөн одоогоор Чингис хаан нисэх буудалд буух ёстой байсан 08:30 ийн Бээжингээс ирэх нислэг түр саатсан байна.