Сэтгэлээ “тольдсон” ялдам бүсгүй нууцаа задлав

“Хайр ирнэ” нэртэй анхны цомгоо “дүүтэй” болгож “Сэтгэлийн толь” хэмээх хоёр дахь бие даасан цомгоороо бэлэг барьсан дуучин А.Түмэн-Өлзий олон зүйлийг төлөвлөж яваа гэнэ. Өвөрмонголын уран бүтээлчид түүнд “хайр зарлан”, хамтарч ажиллахыг гуйсан хэмээх яриа гадуур гарсан ч дуучин бүсгүй өөрийн бүтээлдээ анхаараад юун тийшээ явах манатай байгаа аж. А.Түмэн-Өлзий аавын тухай болон хайрын сэдэвтэй хоёр ч дуу шинээр гаргасан бөгөөд клипний ажилд санаа тавьж, ойрын хугацаанд үзэгч сонсогчдын хүртээл болгох гэнэ.

Харин ирэх сард зохион байгуулахаар зэхэж байгаа анхны бие даасан тоглолтынхоо сюрприз болгон Л.Болдбаатартай хамт “Баясгалантай сайхан” дууг дуулжээ. Тэд өмнө нь нэлээд хэдэн дуу хамтарч дуулсан төдийгүй бүр цомог хүртэл гаргасан гэдэг юм билээ. Хоолой нийлүүлэн дуулах дуртай дүүмэд хамтрагчаа Л.Болдбаатар ч ихэд үнэлж, өөрийн тоглолтдоо оролцуулдаг болжээ. Харин цаадах нь хэдхэн сарын өмнө дуучин П.Жимсээтэй хамт “Хайлан” нэртэй кино концерт хийгээд хэсэг хугацаанд ахыгаа “тоогоогүй” сурагтай.

С.Цахиур