“Киви” хамтлагийн Ука: Түүнтэй үерхсэнийг минь хэн ч мэдээгүй

Шаргал үс, царай төрх ойролцоо харагддаг Катя Зол найзтайгаа хамт загварын ертөнцөд цахиур хагалахаар шийдсэн “Киви” хамтлагийн ахлагч Д.Уламбаяр ийн дурсчээ. Цэцэрлэгт байхаасаа эхлээд л урлаг уран сайханд нугасгүй болсон гэгддэг түүнийг өдгөө чамгүй авьяаслаг нэгэн гэдгийг хүмүүс мэднэ. Тэгвэл дуучин бүсгүй дунд сургуульд байхдаа хайрын захиа авч үзээгүй бөгөөд хөвгүүдтэй нийлж, энд тэнд бужигнуулж явснаас биш үерхэл нөхөрлөлийн талаар огт бодож байгаагүй гэдгээ дэлгэжээ. Харин сургууль төгсөхөөс өмнө тэрбээр хэн нэгэнтэй нууцаар үерхэж байснаа ярьсан байна.

“Би ер багаасаа л хувийн амьдралаа төлөвлөчихсөн байсан. Хэдэн настайдаа мэргэжил эзэмшиж, юу хийж, хэзээ гэр бүлтэй болохоо хүртэл бодчихсон. Харин төгсөх ангид байхдаа нууцаар үерхэж үзсээн, богино мөртлөө гоё л санагдсан” гэсэн Ука хайр дурлалын асуудалд тууштай байхыг илүүд үздэгээ илэрхийлжээ. Тэрбээр олонд танигдсан дуучин болсон хойноо Бүдка хэмээх биерхүү залуутай багагүй хугацаанд үерхэж, бүр хамт амьдарч байсан гэлцдэг. Харин одоо бол ганцаараа яваа.