Улаанчулуутаас алга болсон хүү олджээ

Өнгөрсөн даваа гаригт Сонгинохайрхан дүүргийн 26 дугаар хорооны нутаг дэвсгэрт байрлах Улаанчулуутын хогийн цэгээс есөн настай С гэгч хүүхэд алга болсон талаар бид мэдээлсэн билээ. Тодруулбал, түүнийг ээжтэйгээ хог түүж байхад улсын дугаар нь тодорхойгүй цагаан өнгийн суудлын машинтай хоёр хүн “хурдан морь унах хүүхэд хайж байна” хэмээн авч явсан юм.

Гэвч ээж нь цагдаагийн байгууллагад гомдол гаргаснаар хүүг хайж эхэлсэн бөгөөд  өчигдөр олжээ. Харин хэн гэгч хүмүүс ямар шалтгаанаар хүүг авч явсныг Сонгинохайрхан дүүргийн цагдаагийн хэлтэст шалгаж байна.