Үргэлжилсэн усархаг бороо орохыг анхааруулж байна

Ойрын өдрүүдэд их хэмжээний усархаг бороо үргэлжлэн орох төлөвтэй байгаа тул нийт ард иргэдийг үер усны аюулаас сэрэмжилж, үерийн аман дээр буусан айлуудыг хугацаа алдалгүй нүүхийг нийслэлийн Онцгой байдлын газраас анхааруулж байна. Үерийн аман дээр буусан айлуудыг нүүлгэх ажил үргэлжилж байгаа бөгөөд өнөөдөр Баянзүрх дүүргийн 21-р хорооны нутаг дэвсгэрийн эрсдэлтэй хэсэгт зөвшөөрөлгүй буусан айлуудыг нүүлгэж байгаа юм. Тиймээс тохиолдож болох эрсдэл, аюулаас хамтдаа урьдчилан сэргийлж, их хэмжээний усархаг бороо орох үеэр анхаарал болгоомжтой байхыг нийт ард иргэддээ сануулж байна.