Д.Пүрэвсүрэн: Адилхан эмэгтэй хүн болохоор тэрэнд ч бас амьдрал нүүрээ харуулна

Топ модель Д.Пүрэвсүрэн багагүй хугацаанд ганц бие явсны эцэст хоёр дахь амьдралаа зохиож, хөөрхөн охиноо дүүтэй болгоод байгаа. Алтны магнат Ц.Мянганбаяртай өнгөрүүлсэн хамтын амьдралдаа хэзээ ч харамсч байгаагүй гэж ярьдаг байсан тэрбээр “Ард түмний мисс” өргөмжлөлт Д.Ариунцэцэгийг өөртэй нь харьцуулахад тун дургүй. Тиймдээ ч топ бүсгүй нэгэнтээ хэвлэлд өгсөн ярилцлагадаа “Бид хоёрыг салчихсан хойно тэр хүүхэн Мянгаатай суусан гэж ярьсан байна лээ. Үнэндээ бол албан ёсны гэрлэлтээ одоо хэр нь цуцлаагүй учраас Мянгаа бид хоёр эхнэр нөхөр хэвээрээ. Тэгээд ч тэр халтар хүүхний нэр миний урд биш хойно бичигдэх болохоор би ердөө ч санаа зовохгүй байна.

Адилхан эмэгтэй хүн юм чинь, тэрэнд ч гэсэн амьдрал нүүрээ харуулах байх. Тэр цагт ямар алхам хийж, яаж тэнэглэж байснаа ухаарах биз” гэж дурдсан байдаг. Мэдээж хэрэг, өдгөө хоёр дахь амьдралаа зохиосон болохоор топ бүсгүй Ц.Мянганбаяраас гэрлэлтээ цуцлуулах талаар бодож яваа нь лав биз. Харин алтны магнатын нялх амраг хэмээгдсэн мисс Д.Ариунцэцэг одоо “хөгшин” эхнэрүүдийнх нь тоонд бичигдэж, бяцхан охиноо асраад Сингапурт ганцаараа амьдарч байгаа аж. Ц.Мянганбаярын хувьд, 20-иодхон настай охиныг халамжлан байр, машин бэлэглээд сүрхий нялхарч яваа сурагтай.