Мисс О.Ариунзул дуучин Б.Амархүүд зодуулж байгаагүй гэв

Охидын шүтээн болсон дуучин Б.Амархүүтэй үерхэж, фэнүүдийнх нь атаархлыг төрүүлж явсан мисс, загвар өмсөгч О.Ариунзул дотно харилцаандаа цэг тавиад удаагүй байгаа. Түүнийг титэм зүүгээд зангаа хувиргасан гэх нэгэн байхад, зарим хүмүүс “Хартай найз залуу нь зодсоор байгаад хашраачихсан” хэмээн ярьж эхэлсэн. Үнэндээ томоохон арга хэмжээнд ихэд дотно хөтлөлцөн ирж, дуучин залуугийн тоглолтын тайзан дээр хамтдаа гарч байсан О.Ариунзул сүүлийн үед нэлээд тавгүй байгаа нь үнэн гэлцдэг.

Харц доогуур, уйтгартайхан харагдах болсон модель бүсгүй олны өмнө гарахаа больж, найз залуутайгаа учраа олтол нам гүм байхаар шийдсэн бололтой. Харин тэрбээр дуучин Б.Амархүү өөрийг нь хэзээ ч зодож байгаагүй гэдгийг илэрхийлсэн бөгөөд энэ харилцаа нь ингээд эцэс болох эсэх нь хамаагүй. Гагцхүү ийм муу нэр зүүгээд үлдэж хоцрох нь түүнд хүндээр тусах магадлалтайг анхааруулсан байна. Мөн тэрбээр ОХУ-д зохиогдсон миссийн тэмцээний тэргүүн байрт шалгараагүй, харин дэд байр болон тусгай байрын шагналыг давхар хүртсэн гэжээ.