Сонирхолтой хөтөлбөрөөр дүүрэн “Татум” наадмын нээлт болно

Монгол-Францын төв, “Гёте” институт болон Үндэсний соёл амралтын хүрээлэнгээс хамтран “Street art 2” наадмыг “ТАТУМ” нэртэйгээр  зохион байгуулахаар болжээ. Тус  наадам өнөөдөр Үндэсний соёл амралтын хүрээлэнд нээлтээ хийх юм байна. Наадамд амьд хөгжмийн тоглолт, beatbox, graffiti, break dance, нүүрэн дээр зурах үйлчилгээ, хөрөг зураг, уран Монгол бичгээр бичиж өгөх дурсгалын арга хэмжээ болон гар урлалын худалдаа мөн гэрэл зургийн сонирхолтой хөтөлбөрүүд багтсан байгаа аж.

Сонирхсон хэн бүхэн наадамд оролцох боломжтой бөгөөд өөрсдийн авьяас чадварыг дээрхи төрлүүдээр сорихыг зохион байгуулагчид нь зөвлөж байгаа аж.