“Энэтхэг барааны дэлгүүр”,“Mistol-200” гэх үр зулбуулдаг эм зардаг байжээ

Эрүүл мэндэд хамгийн хортой ч бид огт тоодоггүй “Mistol-200” гэх үр зулбуулдаг эмийн бизнес Монголд хараа хяналтаас гараад байгаа билээ. Тухайлбал, “Энэтхэг барааны дэлгүүр” нэртэй сүлжээ дэлгүүрүүд сүүлийн үед олшрох болсон. Гэтэл энэ дэлгүүрт хийсэн шалгалтаар “Mistol-200” гэх эмийг худалдаж байсан нь илэрчээ. Тодруулбал, тэд эмийг лангуун дороо нуугаад “ходоодны эм” хэмээн борлуулж байжээ. Зөвхөн үр зулбуулах ч бус, хуурамч эм 10 гаруйг тус дэлгүүр байнга борлуулдаг байсныг шалгалтын явцад илрүүлсэн байна. Ямартай ч хууль бус эмийн энэ наймааг цагдаагийнхан шалгаж эхэлжээ.