“А.Арманы “Аяга хоолны философи” гэж юу вэ?”

“Та минь, Амьдрал бол ердөө л идэш тэжээлээ зөв тохируулж тааруулна гэсэн үг шүү. Хэт их цатгалан явбал холестерин ихэсдэгтэй адил, гэнэт их баяжих нь хүний хараал, зүхэл хорлолыг төрүүлнэ. Үргэлж өлсөж явбал, бие ядарч, сульддагийн адил ядуу гуйлгачин гэлдэрвэл таарсан болгон дээрэлхээд, юу нь сайхан байх вэ. Яг л сайхан жингээ бариад, хааяа сайхан цохиод, хэрэгтэй бол хэсэг өлсөөд сажилах нь, хамгийн төгс шийдэл буй за. Амьдрал бол идэш тэжээлээ хэрхэн зөв тааруулах вэ гэсэн, энгийн бөгөөд энгүй философи дээр тогтож байдаг юм хэмээн, өнөөдөр 14 цагт Интер номын их дэлгүүрийн төв байранд нээлтээ хийх зохиолч, филантропич Ален Арманы “Аяга хоолны философи”-д өгүүлдэг.

Мэдээллийн эрин зуунд Монгол хүн дэлхийн дайд, шинээр сэтгэж чаддагийн нотолгоо болсон энэхүү номоо зохиолч, филантропич Ален Арман өөрийн фейсбүүк дээрээ 2010-2013 оны хооронд зохиож бичсэн статус, афоризмуудаасаа түүвэрлэн, “Миний фейсбүүк статус буюу Аяга хоолны философи” хэмээн өвөрмөцөөр нэрлэжээ.  

“Уучлал битгий гуй хонгор минь” /2007/, “Би эмэгтэй хүнд дуртай” /2010/, “Огторгуйд аялагч Калипагийн шинэ жилийн захидал” /2012/ зэрэг номнуудаа уншигч олонд хүргэж байсан тэрээр зохиол бүтээлийнхээ сацуу “Сайн үйлсийн аян -  Барьцаа” /ТВ9/, “Халуун сэтгэл аян” /НТВ/ зэрэг үндэсний хэмжээний томоохон буян өглөгийн аянуудыг санаачлан хэрэгжүүлж, олон хүний амьдралд гэрэл гэгээ түгээсэн филантопич юм.

Тийм ч учраас энэхүү “Аяга хоолны флиософи” дээрээ “Зүрх, сэтгэл хоёроо шатааж амьдар. Түүний чинь гэрэл, дулаан хоёрт хүссэн хүсээгүй хүмүүс шавна” гэж бахархалтайгаар бичсэн биз ээ.