Нэрт жүжигчин С.Бужгар агсны охин Б.Жоншмаа ажлаа хийж байхдаа зүрх нь хаагджээ

Кино урлагийн алтан үеийн жүжигчдийн нэгд тооцогддог С.Бужгар агсан болон түүний гэргий Б.Дэлгэржаргал гуайг үзэгчид андахгүй мэднэ. Хоёр охин нь радио, телевизэд ажиллан ээж ааваасаа ч дутахааргүй авьяаслаг гэдгээ харуулж яваа. Гэтэл саяхны өдөр нэрт жүжигчин С.Бужгар агсны охин Б.Жоншмаа ажлынхаа байранд байхдаа зүрх нь гэнэт хаагдаж таалал төгссөн харамсалтай мэдээ хэвлэл мэдээллийнхэнд хүрлээ.

Цэл залуугаараа таалал төгссөн тэрбээр “Эх орон” телевизэд орчуулгын киноны дуу оруулагч жүжигчнээр ажиллаж байжээ. Түүний эгч Б.Гантигмаагийн хувьд Москва хотын радиод хоёр жил ажиллаж байгаад ирсэн бөгөөд өдгөө сэтгүүл зүйн салбарт багшилж буй юм билээ. Ийн уран бүтээл, хийж бүтээсэн үйл хэргээрээ олонд хүндлэгдсэн энэ гэр бүл хүнд гарз тохиосонд уншигч түмнийхээ өмнөөс эмгэнэл илэрхийлье.