Жүжигчин Ч.Ундрал балетаар хичээллэж, сэтгэлийн амар амгаланг эрхэмлэх болжээ

АНУ-д сурч, хэсэг хугацаанд өөрийгөө “тусгаарласан” жүжигчин Ч.Ундрал эх орондоо ирээд удаагүй байгаа. Гэр бүл дэх таагүй уур амьсгал, хэвлэлээр тархсан хувийн нууц, эр нөхрийнхөө талаархи элдвийн ярианаас залхахдаа жүжигчин бүсгүй ийн амьдралдаа “Restart” хийсэн гэлцдэг.

Харин эрх чөлөөний орон гэгддэг Америкт амьдрахдаа дотоод ертөнцийн амар амгаланг эрхэмлэх болсон тэрбээр эх орондоо ирсэн даруйдаа өөрийг нь олонд таниулж өгсөн “UBS” телевизэд нэвтрүүлэгчийн ажлаа хийж эхэлсэн. Үүний сацуу хөтлөгчийн курс нээн ажиллуулж буй Ч.Ундрал өглөө бүр балетаар хичээллэн өөрийнхөө хэмжээнд бясалгал хийж сурчээ. Түүнтэй хамт хөтлөгч, нэвтрүүлэгч бүсгүйчүүд хичээллэж байгаа төдийгүй гоо сайхан, эрүүл мэндэд сэтгэлийн амар амгалан ямар чухал болохыг мэдрээд ихэд идэвхтэй очдог болжээ.