Үндэсний баяр наадмын нээлтийн тасалбар 25 ам.доллараар борлуулагджээ

Монголын  тулгар төр байгуулагдсаны 2222, Их Монгол Улс байгуулагдсаны 807, Үндэсний эрх чөлөөний 102, Ардын хувьсгалын 92 жилийн түүхт ойнууд тохиож буй Үндэсний их баяр наадмын тасалбар өчигдрөөс худалдаанд гарсан билээ.

Иргэд тасалбар борлуулах цэгүүд дээр хоёр хоног дугаарлан, хонон өнжин байж “нэхсэн” тасалбараа өчигдрөөс эхлэн гар дээрээ авлаа. Төв цэнгэлдэх руу нэвтэрч, наадмын нээлт хаалт, бөхийн барилдааны даваа, үзэгчийн суудлын байршил зэргээс хамаарч тасалбарын үнэ хоорондоо харилцан адилгүй байгаа аж. Тухайлбал, наадмын нээлтийн арга хэмжээний тасалбар 25 ам.доллараар зарагдаж эхэлжээ. Наадмын тасалбарыг “Соёлын төв өргөө” болон “Бөхийн өргөө”-ний билетийн кассаар худалдаалж байгаа юм байна.