“Монголын сайхан орон” үзэсгэлэн нээлтээ хийнэ

Тулгар төр байгуулагдсаны 2222, Их Монгол Улс байгуулагдсаны 807 жилийн ой, Ардын Хувсгалын 92 жилийн ой, Үндэсний их баяр наадмыг тохиолдуулан "Монголын сайхан орон" гэрэл зураг, уран зургийн үзэсгэлэн өнөөдөр нээлтээ хийнэ. Монголын уран зургийн галарей, ССАЖЯ-ны дэмжлэгтэйгээр зохион байгуулж байгаа уг үзэсгэлэн энэ сарын 18-ныг хүртэл үргэлжлэх аж. Уг үзэсгэлэнд Монголын үзэсгэлэнт байгаль болон монголчуудын аж амьдралыг харуулсан бүтээлүүд тавигдах юм байна.