ЕБС-ийн сурагчид нэгдсэн нэг загварын дүрэмт хувцастай болно

       Өнгөрсөн оны 5-р сард батлагдсан Боловсролын тухай хуулиар Ерөнхий боловсролын сургуулийн сурагчид нэгдсэн нэг загварын дүрэмт хувцастай байна гэж заасан. Энэ дагуу ирэх хичээлийн жилээс эхлээд ЕБС-ын сурагчид улс орон даяараа нэгдсэн нэг дүрэмт хувцастай болох гэж байна. Нийслэл аймгийн боловсролын газрын зөвлөлдөх уулзалтаар яамнаас нэг загварыг санал болгох нь зөв гэж үзжээ.

     Монгол улсын стандартаар сурагчдын хувцас хагас ноосон даавуун материалтай байх ёстой ба энэ шаардлагад нийцүүлэх үүднээс дүрэмт хувцасны материал оёдол зэрэг бүхий л зүйлийг дотооддоо үйлдвэрлэх гэж байна. Дотоодыг даавуу материалаар хангахад ҮХАА-н яам өөрийн ажлынхаа хүрээний механизмыг ашиглан оёдлын холбоо, даавуу үйлдвэрлэлийн компаниудтай хамтарч ажиллах нөхцлийг бүрдүүлэхээр болжээ. Эхний ээлжинд бага дунд ангийн хүүхдүүдийг дүрэмт хувцасаар хангахаар төлөвлөж байна.