Баярын өдрүүдээр хариуцлагатай жижүүрийн утас 24 цагаар ажиллана

Үндэсний их баяр наадмын энэ өдрүүдэд нийслэлийн Эрүүл мэндийн газрын хариуцлагатай жижүүр  24 цагаар ажиллана. Эмнэлгийн нэг, хоёрдугаар  шатлалын тусламж, үйлчилгээний талаарх гомдол саналаа хариуцлагатай жижүүрийн 320981 дугаарын утсаар холбогдож өгөх боломжтой юм.

Нийслэлийн эрүүл мэндийн газрын харьяа эрүүл мэндийн байгууллагууд 11-14-ний өдрүүдэд 10.00-16.00 цагийн хооронд ажиллана.  Мөн Өрхийн эрүүл мэндийн төвүүд, Шүд, эрүү, нүүрний эмгэг судлалын төв,  дүүргийн Эрүүл мэндийн нэгдлийн шүд, дотор, гэмтэл, мэс заслын кабинетууд, яаралтай тусламжийн төвүүд 10.00-16.00 цаг хүртэл ажиллах юм байна. Түүнчлэн баярын өдрүүдэд хүүхдийн түргэн тусламж, дүүргийн Нэгдсэн эмнэлгүүдийн хүлээн авах газрууд 24 цагаар ажиллаж, шаардлагатай тусламж үзүүлэх аж.