Үндэсний сурын хасаа харвааны дунд болон адаг өрөг явагдана

Тулгар төр байгуулагдсаны 2222 жил, Их Монгол Улс байгуулагдсаны 807 жилийн ой, Ардын хувьсгалын 92 жилийн ойн Үндэсний их баяр наадмын Үндэсний сурын халх харваа гурав дахь өдрөө үргэлжилж байгаа билээ. Одоогоор эрэгтэйчүүдээс спортын мастер Н.Өлзийхутаг 28 сумнаас 26 онож тэргүүлж байна. Харин эмэгтэйчүүдээс “Хангарьд” спорт клубын тамирчин, залуу харваач М.Мөнх-Амгалан мөн 28 сумнаас 26 онож тэргүүлж байна. Өнөөдөр үндэсний сурын хасаа харвааны дунд болон адаг өрөг явагдах бөгөөд харваачид сүүлийн 12 сумаа тавина.