Хил дээр гаалийн логистик цогцолбор барина

“Брукс-СВ” компаниудын бүлэг Буриадын Хиагтын районд гаалийн логистикийн терминалыг барьж байгуулахад 900 сая рублийн хөрөнгө оруулалт төсөвлөсөн тухай эх сурвалж мэдээллээ. “Брукс-СВ” болон Буриадын Засгийн газар нь олон улсын аялал жуулчлалын “Байгаль эко туризм +20” төслийн хүрээнд энэхүү гэрээг хэрэгжүүлэхээр гарын үсэг зурсан байна. Гаалийн логистик цогцолборыг Хиагт хотын ойролцоо Монгол улсын хил дээр барих юм. Төслийн хэрэгжүүлэхээр  Хиагт гаалийн логистик цогцолборыг тусгайлан байгуулжээ. Уг төслөөр талбай дээр нэгэн зэрэг 300 ачааны машин зогсох боломжтой аж. Цогцолборыг 2015 оны 4 улиралд ашиглалтанд оруулахаар төлөвлөөд байгаа юм байна.