“Coke`n Beat 2013” наадмын ялагч тодорлоо

Амьд хөгжим сонирхдог хүн бүхний хүсэн хүлээдэг “Coke`n Beat” наадам долоо дахь жилдээ амжилттай зохион байгуулагдаж өндөрлөлөө. Энэ жилийн “Coke`n Beat”  наадамд нийт 20 хамтлаг оролцож 5 шатны шалгаруулалтанд “Rec on”, “Аадар”, “Silent Scream”, “The fix” гэсэн шилдэг дөрвөн хамтлаг үлдэж, тус наадмын хаалтын шалгаруулалтан дээр өрсөлдсөн юм. 2013 оны Coke`n Beat  амьд хөгжмийн  наадмын ялагчаар “Rec on” хамтлаг тодорч Монгол улсаа төлөөлөн  Азийн амьд хөгжмийн наадам “Asian beat”-д оролцох эрх болон  М-Си-Эс Кока-Кола компанийн 20 сая төгрөгийн ивээн тэтгэлгийн  гэрээ хийх эрх, мөн тэргүүн байрын шагнал 1,000,000 төгрөгийн эзэд боллоо.

Харин тэмцээний 2,3,4-р байранд орсон хамтлагуудад мэргэжлийн студид өөрсдийн уран бүтээлээ бичүүлэх эрх болон мөнгөн шагналаар шагнаж урамшууллаа.