”Дөнгөтэй мөнгө” өдөрлөг зохион байгуулна

“Beatles”-ын хөшөөний урд талбайд энэ сарын 20-нд "Дөнгөтэй мөнгө" өдөрлөг зохион байгуулана. Өдөрлөгийг “Photo MSG” групп, “Шогшоо” арт групп, “Алтан хальс” холбоо, амьд хөгжмийн хамтлагууд болон залуу зураачид хамтран зохион байгуулахаар болсон байна. Тус өдөрлөгийн гол санаа нь хүүхэд, залуус бүх зүйлийг мөнгөөр хэмжиж, эрх мэдэл, эд хөрөнгөд нийтээрээ улайран шунаж буй өнөөгийн нийгэмд уран бүтээлч залуусын зүгээс хүн бүрт мөнгөөр хэмжигдэшгүй нандин, үнэт чанар болох мэдрэмж гэгч зүйл бий гэдгийг сануулахыг гол зорилго болгожээ. Тэд авъяас чадвар оюун билгээрээ холбогдон нэгэн өдөрлөгийг зохион байгуулах бөгөөд “Мөнгө бүхнийг шийдэх ёсгүй” гэсэн санааг уран бүтээлээрээ харуулана.