Хил хамгаалах байгууллагын 80 жилийн ойн баяр эхэлж байна

Монгол улсад Хил хамгаалах байгууллага үүсч хөгжсөний 80 жилийн ойн баяр өнөөдрөөс эхэлж байгаа билээ. Эх орныхоо торгон хилийг амь хайрлахгүй сахин хамгаалдаг хилчдийн ойн баярын арга хэмжээ Хил хамгаалах ерөнхий газрын байранд 10.30 цагаас Монгол Улсын хилчин баатар хилчдийн хөшөөнд цэцэг өргөх ёслолоор эхлэх юм байна. Ойн баярын арга хэмжээ 14.00 цагт Соёлын төв өргөөнөө үргэлжлэн явагдах бөгөөд энд “Хил хамгаалах байгууллага 80 жил” гэрэл зургийн болон ахмад  хилчдийн бүтээлийн үзэсгэлэнгийн нээлт болохоос  гадна Хил хамгаалах байгууллагын 80 жилийн ойн баярын хурал болон концерт зохион байгуулагдана. Мөн энэ баярын үйл ажиллагаа маргааш төв цэнгэлдэх хүрээлэнд үргэлжлэн явагдах бөгөөд Цэргийн ёслолын  жагсаалаар эхэлж хүчит бөхийн барилдаан гардан тулаан, албаны амьтдын үзүүлэх тоглолт зэрэг олон сонирхолтой үйл ажиллагаа зохион байгуулахаар төлөвлөсөн аж.