Галт тэргэнд дайруулж нас баржээ

Өнгөрсөн баасан гаригт Төмөр замын Толгойт өртөөнд орох дохионы орчим галт тэргэнд хүн дайруулж нас барсан байна гэсэн мэдээлэл цагдаагийн байгууллагад 20:40 цагийн орчимд иржээ. Улмаар очиж шалгахад Төмөр замын 396-р км-ын гуравдугаар зуутад Улаанбаатар-Эрдэнэт чиглэлийн 273-р галт тэргэнд ХУД-ийн долдугаар хорооны иргэн 37 настай эрэгтэй Ж гэгч нь дайрагдаж нас барсан байна. Одоогоор Төмөр замын цагдаагийн хэлтэс шалгаж байна.