Солонгост буй Монголчууд түрүү бөхөө машинаар байлжээ

Хүннү гүрний 2222 жил, Их Монгол улс байгуулагдсаны 807 жил, Тусгаар тогтнол 102 жил, Ардын хувьсгалын 92 жилийн ойн баярыг тохиолдуулан Солонгос дахь ачаа тээврийн нэгдсэн холбооноос Инчон хотын Монгол наадмыг өчигдөр буюу 2013 оны 07-р сарын 21-нд амжилттай зохион байгууллаа.

Баяр наадмын нээлтэнд МУ-аас БНСУ-д суугаа онц бөгөөд бүрэн эрхт элчин сайд Б. Ганболд, Солонгос дахь ачаа тээрийн холбооны гишүүд, хамтран ажилладаг бусад байгууллагуудын төлөөлөл оролцлоо.

Солонгос дахь ачаа тээврийн холбоо нь туршлага найдвартай албан ёсны зургаан карго нэгдэж Солонгос дахь ачаа тээврийн холбоог байгуулж 2 дахь удаагаа Инчон хотын наадмыг зохион байгуулж Солонгост суугаа ард түмнээ баярлуулж наадуулж байгаа билээ.

Наадмын хөтөлбөрт Хүчит 64-н бөх зодоглож, сур харваа, шагайн харваа, сагсан бөмбөг, шатар, теннис, гар барилдаан, Дууны уралдаан, шүлгийн уралдаан явагдаж Монгол үндэсний урлагын тоглолтууд багтсан байв.

Бөхийн барилдаанд түрүүлсэн бөхөд

 - Карнивал маркын автомашин, мөн аймаг сумын цол олгох,

 - Уран барилдаант бөхөд Орчлон костракшн компианаас 500 000 воны мөнгөн шагнал олгох, 

 Шүлгийн уралдаанд Даваа трэйдинг компианаас автомашин, 

 Азийн сугалаанд мөн цахилгаан бараа, 

 - Орчлон констракшны байрны 5 хувийн хөнгөлөлтийн эрхийн бичиг, 

 - Эйр транс компани онгоцны нэг талын тийз 

 -  Кил нэгдсэн эмнэлэг бүтэн биеийн шинжилгээний 750 000 воны эрх

 - Гоо сайхны Нано эмнэлэг 1 сая воны эмчилгээний эрх болон 

 Супер шагналд автомашины шагнал

гээд бай шагналууд өндөр байсан учраас тэмцээн уралдааны чанарыг улам нэмэдгүүлж үзэгч олноо баясгаж байсан юм.

Мөн баяр наадмын үеэр Солонгост үйл ажиллагаагаа явуулдаг Монгол хоолны газрууд Монгол  үндэсний хоолоор үйлчилж БНСУ дахь Нийгмийн хамгааллын үйлчилгээний төв, Хөдөлмөрийн яамны нэг цэгийн үйлчилгээний төв, Эрүүл мэндийн байгууллагууд болон бусад худалдаа үйлчилгээний байгууллагуудад Солонгосд ажиллаж амьдарч суралцаж буй иргэддээ үйлчиллээ.

Наадмын бусад дэлгэрэнгүй зургуудыг фото агшин булангаас болон фэйсбүүк хуудаснаас маань үзэх боломжтой. 

Уг наадмыг зохион байгуулсан Солонгос дахь ачаа тээврийн нэгдсэн холбоо

Од карго

Хурд 123

Хархорин Транс

Бест карго 

Учрал карго

Алтанхөхий карго

болон бусад ивээн тэтгэгч байгууллагуудад наадамчин олныхөө өмнөөс талархал илэрхийлье.

Ирэх жилийн наадам ч хол байна даа

Эх сурвалж: MGLradio.com