36 барилга зөвшөөрөлгүй үйл ажиллагаа явуулдаг

Нийслэлийн мэргэжлийн хяналтын ерөнхий газар, Онцгой байдлын газар, Цагдаагийн ерөнхий газартай хамтран ажлын хэсэг байгуулжээ. Тус ажлын хэсэг нь зөвшөөрөлгүй барилгын судалгааг гаргасан байна. Судалгаагаар нийтдээ 36 барилга зөвшөөрөлгүйгээр үйл ажиллагаа явуулж байгаа нь тогтоогджээ. Мөн Дулааны шугам сүлжээний газрын ажилтнуудын тавьсан шаардлагыг биелүүлээгүй 98 барилгын ажил явагдаж байгаа бол Цахилгаан шугам сүлжээнээс зөвшөөрөл аваагүй, техникийн нөхцлийг хангаагүй, зураг төсөл нь шаардлага хангаагүй 51 барилга байна. Иймээс техникийн зөвлөлөөс энэ баасан гаригийг дуустал дээрх барилгуудын үйл ажиллагааг дахин нарийвчлан судлаад олон нийтэд мэдээлэх, хууль хяналтын байгууллагад шилжүүлэх ажлыг хийхээр болжээ.