Цөмийн энергийн газрын дарга Н.Тэгшбаяр, Б.Эрдэнэцогтод нэг сарынхаа цалинг хандивлалаа

Цэнхэр дэлгэцээр шударга үнэний дуу хоолой болон мэдээ, сурвалжлага дамжуулан олны танил болсон сэтгүүлч Б.Эрдэнэцогтын биеийн байдал туйлын хүнд байгаа бөгөөд элэг шилжүүлэн суулгах эмчилгээ хийлгэхээр болсон билээ. Тиймээс үзэг нэгт нөхдөөс нь эхлээд нийт иргэд хандивын гараа сунгасаар байгаа юм. Дөнгөж сая Цөмийн энергийн газрын дарга Норовын Тэгшбаяр сэтгүүлч нөхрийнхөө эмчилгээний зардалд зориулж нэг сарынхаа цалинг өглөө. Тэрбээр “Нийгмийг эрүүл байлгахад сэтгүүлчдийн үүрэг хамгийн чухал билээ. Тэгэхээр Монголын сэтгүүл зүйн салбарын чадварлаг нэгэн уран бүтээлч хүндээр өвдсөнд харамсч байна. Аливаа өвчин гэдэг олон хүний тусч ариун сэтгэлийн хүчээр эдгэдэг учраас Эрдэнэцогт маань удахгүй эрүүл болно гэдэгт итгэлтэй байна” гэжээ.