Солонгос хүн болж жүжиглэн хил зөрчигч Монгол хүн байжээ

Хэд хоногийн өмнө Монгол улсын хилийг зөрчих гэж байсан Солонгос хүнийг баривчласан тухай мэдээллийг бид хүргэж байсан. Гэтэл унадаг дугуйгаар Монгол улсын хилийг зөрчих гэж байсан этгээд Монгол хүн болох нь тогтоогдсон байна. Тэрбээр хилчдэд саатуулагдсныхаа дараа өөрийгөө Хойд Солонгосын иргэн Ким Ён Реол гэгч байна хэмээн танилцуулсан юм. Гэтэл шалгалтын явцад Нийслэлийн Сонгинохайрхан дүүргийн иргэн Б гэгч болох нь тогтоогджээ. 

Тэрбээр урд хөршид явж байгаад бичиг баримтаа алдаж эх орондоо ирэх аргагүй болсон учраас ийнхүү хил зөрчсөн гэнэ. Харин ямар учраас солонгос хүн болж жүжиглэсэн шалтгаан нь одоогоор тодорхой бус байна.