Оюутнууд ухаалаг таблеттай болно

БШУЯ, МОХ, ШУТИС хамтран “Цахим оюутан” хөтөлбөр хэрэгжүүлэхээр болжээ. Уг хөтөлбөрийн хүрээнд ирэх жилээс оюутан бүрийг ШУТИС-ийн оюутнуудын бүтээсэн ухаалаг таблеттай болгохоор болжээ. Энэхүү ажилд хамтрахаар “ХААН” банк, НИХТ-ийн болон МОХ-ны төлөөлөгчид гарын үсэг зурцгаажээ. Гэхдээ оюутнуудад нэгдсэн журмаар тараахгүй. Тухайн оюутан хүсвэл лизингээр худалдан авах боломжтой. Үнийн хувьд 250 мянган төгрөг орчим байх гэнэ. Ухаалаг таблет нь гаднах байлдлаараа IPAD-тай адилхан, Android үйлдлийн системээр ажилладаг, 3G сүлжээтэй,сим хийгээд утас болгон ашиглах, программ суулгаад хичээлээ бичих боломжтой юм.