“HALLOWEEN”-ы өдөр гэрээ чимэглэх шинэлэг санаанууд

Америкчууд жил бүр гурав орчим ам.долларыг ганцхан өдөрт зориулдаг нь аравдугаар сарын 31-нд болдог “Halloween” буюу Сүнсний баяр юм. Энэ өдөр 2000 гаруй жилийн өмнөөс эхтэй бөгөөд эртний Кельтүүдийн үеийн “Samhain” гэх зан үйлтэй холбоотой. Эртний Кельтүүд өвөл эхлэхийн өмнө элдэв муу ёрын сүнс, буг чөтгөрүүд гарч ирдэг гэж итгэн, тэнүүлч сүнснүүдийг зайлуулахын тулд галын наадам хийж, баг, зүүсгэл өмсөн “Samhain” гэх ёслол үйлддэг байжээ.

Нэрний хувьд “Halloween” гэдэг нь Hallowe’en буюу “All Hallows Even” гэсэн үгнээс гаралтай, бүгд тэгш тэнцүү тахин шүтэх ёслол гэсэн утгатай юм. Зарим улс оронд “Тахилгын өдөр” гэж тэмдэглэх нь ч бий. Барууны ихэнх оронд Сүнсний баярыг тэмдэглэж хэвшсэн бөгөөд нутаг нутгийн ойлголтоор өөр утга агуулдаг. Энэ өдрийг улс орон бүрд өөр өөрөөр тэмдэглэх боловч уламжлал болсон нийтлэг хэдэн тоглоом, зан үйл байдаг. Тухайлбал, залуус багт наадмын үдэшлэг зохиож, айл өрх, албан газрууд үүдэн дээрээ засч чимэглэсэн хулуун дэнлүү тавьж, гэр болон гудамж талбайгаа чимэглэж, нар жаргасны дараа хүүхэд багачууд нийлэн хөршүүдээсээ чихэр гуйж, гэр бүлээрээ аймшгийн кино үзэж өнгөрүүлдэг.

Та  ч бас “Halloween”-ы өдрөөр гэрээ чимэглэж, амьдралынхаа нэгэн өдрийг гэр бүлтэйгээ сонирхолтой өнгөрүүлэхээр төлөвлөж байгаа бол дараах чимэглэл, заслаас санаа аваарай.