Бидний дунд "Ковид" халдвар ороод ирлээ, Одоо яах вэ?

Эрүүл мэндийн сайд асан А.Цогцэцэгийн иргэдэд хандсан зөвлөгөөг хүргэж байна.

Эрт орой хэзээ нэгэн цагт ялангуяа хүйтэн болж ханиад томууны улирал эхлэхтэй зэрэгцэн Ковид-19 халдвар манай үүдээр орж ирэх эрсдэл маш өндөр байсан гэдгийг та бид бүгд мэдэж байсан.

Тэгвэл бидний дунд "Ковид -19" халдвар ороод ирлээ. Одоо бид яах вэ?

Иргэдийн хувьд
 

• Хувийн болон нийгмийн ариун цэврийг чанд мөрдөх
• Маскаа зөв зүүх,
• Гараа зөв угаах,
• Гэр болон ажлын өрөөгөө зөв ариутган цэвэрлэх
• Олон нийтийн газар хүн хоорондын зай зөв барих
• Гадуур хувцасаа дотроос эргүүлж зөв өлгүүртээ өлгөх
• Гадуур өмссөн гутлаа гэртээ өмсөхгүй байх
• Өглөө орой хамар залгиураа зориулалтын уусмалаар зориулалтын саванд хийж зөв угаах

2. Олон нийтийн сүлжээгээр хэн нэгнийг магтахгүй хэн нэгнийг муулахгүй, турхирахгүй байх
 

• Сэтгэл санааны хөөрөл эсвэл хямрал ажлын бүтээмж болон гаргах шийдвэрт нөлөөлдөг гэдгийг анхаарах
• Төр захиргааны байгууллагууд, эрүүл мэндийн салбарынханд олон улсын дүрэм, журмын дагуу тайван ажлаа хийх боломжийг олгох

3.Эрүүл мэндийн салбарынханы хувьд
 

• Халдварын голомтонд ажиллаж буй ажилчдын цагийн ачаалалыг зөв тооцоолж тэднийг эрсдэлээс хамгаалах
• Цаг эрт байгаа. Зөв менежментээр нотолгоонд үндэслэн гарах эрсдэлт хүчин зүйлсээ зөв тооцоолж ажиллах
• Шинжилгээнд алдаа гарах хэлбэлзэлийг зөв тооцоолох,
• Халдварыг тодорхойлох сорьц авахад нөлөөлөх эрсдэлийг зөв тооцоолох
• Хүчээ зөв хувиарлаж голомтын гаднах сургалтыг эрчимжүүлэх.