Халдвар авсан Сэлэнгийн иргэн Д цэцэрлэгт багшилдаг байжээ

Коронавирусээр халдварласан Сэлэнгэ аймгийн иргэн, 70 настай Ц болон түүнтэй хамт амьдарч байсан бэр Д болон ач хүүгээс нь халдвар илрээд байгааг өнөөдөр  (2020.11.12) ЭМЯ мэдээлсэн билээ. 

Тэгвэл бэр болох Д нь Сэлэнгэ аймгийн Сүхбаатар сумын цэцэрлэгт багшийн ажил эрхэлдэг аж. Багш Д-гийн даасан ангийн хүүхдүүдийн эцэг, эхийн ажил хөдөлмөрийг байгууллагаар нь ангилсныг Сэлэнгэ аймгийн Засаг даргын тамгын газраас мэдэгдээд байна. 

Тодруулбал, 
 

• Улаанбаатар төмөр замын  Сүхбаатар өртөөнөөс - 17
• Хилийн 0243 дугаар ангид -1
• Хилийн 0101 дүгээр ангид - 4
• Дэлгүүр - 3
• Банк - 2
• Гаалиас - 1
• Дархан Сэлэнгийн цахилгаан түгээх сүлжээнээс-1
• Онцгой байдлын газраас - 1
• Хувиараа ажил эрхэлдэг -10
• Гэртээ ажилгүй байдаг - 8 тус тус байна.

Эдгээр иргэдтэй холбоо тогтоон, хүүхдүүдээ гэрийн хорионд байлгаж, биеийн байдлыг ажиглаж байхыг анхааруулжээ.

Харин Д-гийн хүү А тавдугаар ангийн сурагч. Энэ хүүхдийн ангид 30 хүүхэд сурдаг ба хүүхдүүдийн ар гэрийнхэнтэй бүгдтэй нь холбоо тогтоожээ.