Д.Сумъяабазар: Төр бүх боломжоо дайчлан ажиллаж байна
Нийслэлийн Засаг дарга бөгөөд Улаанбаатар хотын захирагч Д.Сумъяабазар нийслэл хотын өнгөрсөн хоногийн байдлын талаар мэдээлэл гаргажээ.
Тэрбээр "Нийслэлчүүдээ бүгд гэртээ байж цар тахлаас хайртай бүхнээ хамгаалцгаая.
Засгийн газар, Улсын Онцгой комисс, Нийслэлийн Онцгой комиссын гаргасан шийдвэрийн биелэлтийг хангахаар, ард иргэдээ аюулт цар тахал Covid-19-ийн халдвараас хамгаалахаар мэргэжлийн байгууллагууд, албан хаагчид маань 24 цагаар ажилласаар байна.
2020.11.13-ны өдрийн 06:00 цагаас 2020.11.14-ний 07:00 цагийн хооронд 6564 иргэний явах чиглэл болон бичиг баримтыг шалгаж, хүндэтгэх шалтгаангүй 432 иргэн, бага насны 9 хүүхдийг гэрт нь буцааж, бичиг баримтгүй 271 иргэнд хууль ёсны шаардлага тавьж ажиллалаа. Төр бүхий л боломжоо дайчлан ажиллаж байгаа энэ үед иргэн та ГЭРТЭЭ байж хамтын хүчээр энэ бүхний ард гарах зайлшгүй шаардлага бидний өмнө тулгараад байна" хэмээжээ.
Холбоотой мэдээ
