Коронавирусний халдвар илрүүлэх шинжилгээний хариу, нөхцөл байдлыг ЭМЯ-наас 11.00 цагт хуваарийн дагуу мэдээллээ. 

Ковид-19 халдварын батлагдсан тохиолдлын мэдээллийг өнөөдрийн байдлаар хүргэе.

ХӨСҮТ, ЗӨСҮТ, Сэлэнгэ, Дархан-Уул аймаг дахь салбарт лабораторид 2020.11.15-нд нийт 1818 хүнд шинжилгээ хийхэд гурван хүнд коронавирусний халдвар илэрч, 1815 хүний шинжилгээний хариу сөрөг буюу халдваргүй гарчээ.

Коронавирусийн халдвар шинээр илэрсэн тохиолдлууд (2020.11.16-ны 11.00 цагийн байдлаар)
 

1. Аравдугаар сарын 26-нд Улаанбаатар-Будапештаас ирсэн ирсэн иргэний давтан шинжилгээнээс -1
2. "Энхсаран" сувиллын үйлчлэгч - 1
3. Сэлэнгэ аймагт батлагдсан тохиолдлын хавьтлын шинжилгээнээс -1 (11 настай хүүхэд)
    

КОВИД-19 БА МОНГОЛЫН НӨХЦӨЛ БАЙДАЛ (2020.11.16)
 

• НИЙТ ХАЛДВАРЫН ТОХИОЛДОЛ - 431
• Зөөвөрлөгдсөн - 411
• Дотоодод бүртгэгдсэн буюу нийтийн дунд тарсан халдварын тоо - 20
   

УЛААНБААТАР (ЖОЛООЧ Д-ын ХАВЬТАЛ) - 9
 

• Улаанбаатарт бүртгэгдсэн ачаа тээврийн жолооч болон түүний эхнэрээс 2020.11.10-нд халдвар илэрсэн.
• Жолооч, эхнэр хоёрын ойрын хавьтал болох ээж, дүүгээс нь 2020.11.11-нд халдвар илэрсэн.
• Жолоочийн дүүгийн ойрын хавьтал нэг оюутнаас 2020.11.12-нд халдвар илэрсэн.
• Жолоочийн  4 настай хүүхдээс 2020.11.13-нд халдвар илэрсэн.
• Жолоочийн ахын эхнэр болон ахынх нь том хүүгээс 2020.11.14-нд буюу өнөөдөр халдвар илэрлээ. 
• Жолоочийн бага охиноос 2020.11.14-нд буюу өнөөдөр халдвар илэрлээ. 

ХӨСҮТ-ИЙН ЭМЧ, СУВИЛАГЧ, АЖИЛЧИД - 7
 

• Эхний халдвар Сэлэнгэ аймгийн Нэгдсэн эмнэлгээс ХӨСҮТ-д ирж ажиллаж байсан сувилагчаас 2020.11.06-нд илэрсэн.
• 2020.11.10-нд халдвар авсан сувилагчтай нэг багт ажиллаж байсан эмчээс илрэв.
• 2020.11.14-ний 17:00 цагийн байдлаар ХӨСҮТ-д ажиллаж байгаа эмч, сувилагчдаас дөрвөн эмч, хоёр сувилагч, нэг асрагч, нийт долоон хүн халдвар авсныг ЭМЯ мэдээллээ. 

СЭЛЭНГЭ АЙМАГ (ШИНЭ ГОЛОМТ ГЭЖ ҮЗЭЖ БАЙГАА) - 4
 

• Эхний тохиолдол аймгийн Нэгдсэн эмнэлгээр үйлчлүүлсэн 70 настай эмэгтэйд 2020.11.12-нд илрэв. 
• 70 настай эмэгтэйтэй хамт амьдардаг бэр халдвар илэрснийг 2020.11.13-нд зарлав.
• 70 настай эмэгтэйтэй хамт амьдардаг ач хүүгээс нь халдвар илэрснийг 2020.11.13-нд зарлав.
• Сэлэнгэ аймгийн нэгдсэн эмнэлэгт хэвтэн эмчлүүлж байсан 11 настай хүүгээс халдвар илэрснийг 2020.11.16-нд зарлав. (70 настай эмэгтэй эмнэлгээр үйлчлүүлсэн)

"ЭНХСАРАН" СУВИЛАЛ - 45 (Зөөвөрлөгдсөн гэж үзэж байгаа)

(Жолооч Д тус сувилалд тусгаарлагдаж байсан)

Анх 2020.11.07-ны өдөр анхны тохиолдол бүртгэгдсэн. Анхны тохиолдол бүртгэгдэхэд 24 тохиолдолтой байсан. Бүх хавьтагчид тусгаарлалтад байсан. 

2020.11.06-наас урагш хөөгөөд 14 хоногийн хугацаанд тухайн сувилалд байсан ТИР-ийн жолооч нарыг мөрдсөн. Зургаан хүн халдвартай гарсан. Тэднийг байгаа газарт нь тусгаарласан. Улаанбаатар хотод байсан гурван жолоочийг ХӨСҮТ-д, Өмнөговь, Орхон, Сэлэнгэ аймагт байгаа гурван хүнийг тусгаарласан. Анхны шинжилгээнүүдэд коронавирус илрээгүй.

2020.11.16-нд "Энхсаран" сувиллын үйлчлэгчээс халдвар илрэв. Халдварын тоо нэмэгдсээр одоогоор нийт 45 тохиолдол "Энхсаран" сувилалтай холбоотойгоор бүртгэгдээд байна.