БАНКУУД | АТМ-д цэнэглэлт хийсэн дүн хөл хорионы өмнөх үетэй ИЖИЛ байгаа

Коронавирусний улмаас хатуу хөл хорио тогтоосонтой холбоотойгоор төлбөрийн системээр хийгдсэн гүйлгээ буурах хандлагатай байна гэж Төв банкнаас мэдээллээ.

Тухайлбал, арваннэгдүгээр сарын 10-ны өдөр 850 мянган картын гүйлгээ (22 тэрбум төгрөг) хийгдэж байсан бол 13-ны өдөр 565 мянга болж буурчээ.

Арваннэгдүгээр сарын 10-ны өдөр бага дүнтэй (3 сая төгрөг хүртэл) 244 мянган гүйлгээ хийгдэж байсан бол 13-ны өдөр 149.3 мянга болж буурсан байна.

Харин их дүнтэй (3 сая төгрөгөөс дээш) гүйлгээ 3.9 мянгаас 3.4 мянга болж өөрчлөгджээ.

Банкуудаас авсан мэдээгээр АТМ-ээр хийгдсэн гүйлгээний тоо, АТМ-д цэнэглэлт хийсэн мөнгөн дүн нь бүх нийтийн бэлэн байдлын зэрэгт шилжсэнээс өмнөх үеийнхтэй адил, тогтвортой байна. Монголбанкнаас тухай бүр бэлэн мөнгөний зузаатгалын үйл ажиллагааг хийж байгаа аж.