ДАРХАН: Салхит өртөөнд голомт байгаа тул иргэдийг гэрт нь тусгаарлана

Дархан-Уул аймгийн Онцгой комисс Шуурхай мэдээлэл (2020.11.19, 21:30) хийлээ.

Үдээс хойш 17:00 цагийн байдлаар коронавирусний бүртгэгдсэн тохиолдол тус аймагт 11 байсан бол 21:00 цагийн байдлаар 13 болж, хоёроор нэмэгдсэн байна.

Ерөнхий сайдын ахлах зөвлөх Ж.Энхбаяр "Дарханд алдсан халдварын голомт Салхит өртөөнд байгааг тогтоосон. Өнөө шөнө 00:00 цаг гэхэд Салхит өртөөний бүх иргэдийг шинжилгээнд хамруулж дуусгаад,  гэр гэрт нь тусгаарлана. Агаар сайтай учраас гэртээ байх нь тохиромжтой гэж үзсэн. Нэн яаралтай Дархан-Уул аймгийн ИТХ-г зарлан хуралдуулж, Засаг даргын нөөц хөрөнгийг нэмэгдүүлэх, тоног төхөөрөмж, эм эмнэлгийн хэрэгсэл, хүнсний нөөцийг нэмэгдүүлэх зайлшгүй шаардлага байна" гэлээ.

2020.11.19-ний 21.00 цагийн байдлаарх дотоодын халдварын нөхцөл байдал (Нийт 87)
 

• Улаанбаатарт - 18
• Сэлэнгэ аймагт - 41
• Орхон аймагт - 13
• Дархан-Уул аймагт - 13
• Дорноговь аймагт - 1
• Говьсүмбэр аймагт - 1 тохиолдол батлагдаад байна. 

2020.11.19-ний 11.00 цагийн байдлаарх халдварын тоог сануулъя. 
 

• Улаанбаатарт - 18
• Сэлэнгэ аймагт - 28
• Орхон аймагт - 13
• Дархан-Уул аймагт - 11
• Дорноговь аймагт - 1
• Говьсүмбэр аймагт - 1