Цагийн хязгаарыг хэвийн болгосноор баарны орлого 82.3 хувиар өсжээ

Нийтийн хоолны салбарын орлого  оны эхний есөн сард 328.7 тэрбум төгрөг болж, өмнөх оны мөн үеэс 28.9 тэрбум төгрөгөөр буурсан. Харин энэ оны  гуравдугаар улиралд  114.6 тэрбум төгрөг болж, өмнөх улирлаас 3.3 тэрбум төгрөг буюу 2.9 хувиар өсжээ.

Нийтийн   хоолны   салбарын   орлого  өмнөх   улирлаас   өсөхөд баар,   караоке  болон   архи, согтууруулах ундаагаар үйлчилдэг газруудын хориог суллан цагийн хязгаарыг буцаан хэвийн байдалд оруулсан нь нөлөөлжээ.

Тухайлбал, баарны орлого 1.0  тэрбум төгрөг буюу 82.3 хувь, рестораны орлого 11.7  тэрбум төгрөг буюу 17 хувиа өсжээ.